Við lífstílsbreytingar getur það verið gott fyrsta skref að koma í lífsstílsráðgjöf. Einnig er kostur á að koma í eftirfylgni og endurmat hjá hjúkrunarfræðingi til að stuðla að því að langtímaárangur við lífsstílsbreytinguna verði sem bestur.

Lífstílsráðgjöf er sérstaklega ætluð þeim sem vilja taka stöðuna á eigin heilsu og jafnvel taka heilsuna sína í gegn með aðstoð og stuðningi. Í skoðuninni er bæði líkamleg og andleg líðan metin og hjúkrunarfræðingur veitir persónulega ráðgjöf um hvað þarf að gera til að viðhalda og/eða bæta heilsuna.

Hver skoðun er einstaklingsmiðuð. Hjúkrunarfræðingur fer yfir heilsufarssögu og framkvæmir mælingar á eftirfarandi heilsufarsþáttum:

  • Blóðþrýstingur
  • Púls
  • Blóðsykur
  • Kólesteról
  • Hemóglóbín
  • Hæð
  • Þyngd
  • BMI
  • M/M hlutfall
  • Fitu%
  • Spirometria
  • Andleg vellíðan
  • Markmiðasetning
  • Hreyfiplan/matarplan
  • Heilsueflandi ráðgjöf hjúkrunarfræðings

Í skoðuninni er bæði líkamleg og andleg líðan metin. Hjúkrunarfræðingur veitir persónulega ráðgjöf, sem byggð er á niðurstöðum mælinga og heilsufarssögu, um hvað þarf að gera til að viðhalda og/eða bæta heilsuna.