Mitt líf – mín leið

Heildræn heilsufarsefling með heilsumarkþjálfun og sjálfsvirðingu að leiðarljósi

Markmið námskeiðsins er að virkja innri visku og styrk þjónustuþega svo hann/hún geti orðið sinn eigin markþjálfi í endurhæfingarferlinu, þ.e. tekið ríkari þátt í að móta þá endurhæfingarleið sem hentar, hvetur og kætir viðkomandi.

Heilsumarkþjálfun er virt og vinsæl aðferðarfræði þar sem hún þykir árangursrík við markmiðasetningu um heildræna heilsufarseflingu. Læknanemar í Harvard háskóla er til að mynda gert skylt að læra markþjálfun svo þeir geti nýtt aðferðarfræðina með sjúklingum sínum og þannig mögulega flýtt fyrir bata. Markþjálfun á rætur að rekja í virtar fræðigreinar sem allar lúta að því að stuðla að persónulegum vexti einstaklinga, s.s. jákvæða sálfræði, HAM, stefnumótun, íþróttafræði, uppeldis- og kennslufræði, geðlækningar, sálgæslu og NLP.

Lokamarkmið markþjálfunar er að einstaklingar upplifi aukið sjálfstraust, sigra, sátt og þar með ríkari tilgang, lífshamingju og lífsgæði – því hver dagur er dýrmætur.

Efnistök námskeiðsins eru eftirfarandi:

• Markþjálfun og heilsumarkþjálfun sem fræðigreinar og verkfæri til valdeflingar
• Heildræn heilsufarsefling – markmiðasetning um betri líkamlega, andlega og félagslega heilsu
• Sjálfsþekking, sjálfsvirðing og sjálfsrækt
• Kortlagning á óskastöðu um góða heilsu, hamingju, jafnvægi, stolt og lífsgæði
• Farsæl endurhæfing: Að setja sér raunhæf, uppbyggileg og skemmtileg markmið
• Stuðningur og hvatning við gerð markmiða og eftirfylgni með þeim
• Að vera sinn eigin markþjálfi til frambúðar og skrifa betri næstu kafla í eigin lífssögu – taka ábyrgð á eigin heilsu, lífi og líðan
• Gagnræður: Sameiginlegur vettvangur visku & samlærdómur

Það skiptir ekki máli hvaðan þú kemur,  heldur hvert þú ert að fara.

Hvert ætlarðu? Þetta er þitt líf – finndu þína leið.

Stjórnandi námskeiðs

Aldís Arna Tryggvadóttir, ACC vottaður markþjálfi og Streituráðgjafi

Tímalengd

6 skipti, kennt er 2 klst. í senn

Staðsetning

Fjarnámskeið

Sendu okkur fyrirspurn eða sendu póst á hv@hv.is ef þú vilt skrá þig eða fá nánari upplýsingar um námskeiðið.

ATHUGIÐ að stéttarfélög veita gjarnan styrki til námskeiða og fyrirbyggjandi aðgerða er snerta heilsu- og öryggi sinna félagsmanna, sem dæmi sjálfstyrkingarnámskeið og stjórnendaþjálfun/starfstengda markþjálfun. Hafðu samband við þitt stéttarfélag til þess að kanna þinn rétt.