Þegar sagt er frá – Fyrstu viðbrögð

Einn af hverjum fimm segjast hafa orðið fyrir kynferðislegu ofbeldi eða áreiti. Samkvæmt rannsóknum geta þau viðbrögð sem þolandi mætir þegar hann segir frá haft veruleg áhrif þegar kemur að úrvinnslu og bata hans.

Fyrir hverja

Fræðslan nýtist fagaðilum eins og heilbrigðisstarfsfólki, kennurum, félagsráðgjöfum, sálfræðingum, fjölskyldufræðingum, prestum, djáknum, lögfræðingum, lögreglu og stjórnendum fyrirtækja og stofnana.

Markmið

Að fræða fagaðila um kynferðislegt ofbeldi og áreitni og afleiðingar þess. Að undirbúa fagaðila svo hann sé betur í stakk búinn, til að mæta þolanda sem segir frá því að hafa orðið fyrir ofbeldi eða áreitni, á faglegan og hjálplegan hátt. Áhersla er lögð á mikilvægi fyrstu viðbragða fagaðila og afleiðingar þeirra. Kynnt eru til sögunnar úrræði sem fagaðilar geta vísað í.

Efnistök

• Skilgreiningar á kynferðislegu ofbeldi og áreitni
• Mýtur tengdar viðfangsefninu
• Afleiðingar ofbeldis
• Að segja frá
• Viðbrögð annarra, t.d. fagaðila, fjölskyldu, vina, kunningja og samstarfsfólks
• Dæmigerð viðbrögð
• Gagnleg viðbrögð
• Ógagnleg viðbrögð
• Afleiðingar viðbragða
• Úrræði
• Samræður og spurningar

Fræðslan byggist á klínískum rannsóknum.

Stjórnandi

Guðrún Katrín Jóhannesdóttir, félagsfræðingur MA

Tímalengd

Um er að ræða 60 mín fræðsluerindi þar sem einnig er boðið upp á virkar umræður og spurningar.

Sendu okkur fyrirspurn eða sendu póst á hv@hv.is ef þú vilt skrá þig eða fá nánari upplýsingar um námskeiðið.