Steinunn Ragnarsdóttir hefur átt farsælan feril sem stjórnandi um árabil og starfar nú sem stjórnunarráðgjafi og leiðbeinandi. Hún heldur fyrirlestra, námskeið og vinnustofur og kemur reglulega fram á alþjóðlegum ráðstefnum þar sem hún heldur m.a. erindi um skapandi stjórnun og gagnreyndar leiðir til velferðar og árangurs.

Menntun og reynsla

Steinunn lauk meistaragráðu í píanóleik í Bandaríkjunum og stofnaði Reykholtshátíðina þegar hún kom heim úr námi.  Árið 2018 lauk hún þriggja ára Fellowship námi í skapandi stjórnun frá háskólanum í Maryland, en Steinunn var valin úr stórum hópi stjórnenda til þess að taka þátt í náminu ásamt stjórnendum frá ýmsum löndum. Hún lauk síðan Executive Leadership námi frá Harvard Business School árið eftir.

Steinunn hefur einnig lokið diplómanámi á meistarastigi í Jákvæðri sálfræði og hefur viðurkennd starfsréttindi í LEGO®SERIOUS PLAY® aðferðinni sem er skapandi leið til lausna og þróunar sem virkjar alla þátttakendur. Steinunn býður upp á fjölbreyttar vinnustofur með aðferðinni sem fyrirtæki og vinnustaðir geta bókað.