Við stuðlum að auknu heilbrigði einstaklinga, gæðum og öryggi vinnustaða með því að koma á skipulögðu innra vinnuverndarstarfi hjá viðskiptavinum og efla þekkingu og nýja hugsun hjá stjórnendum og starfsmönnum um heilsu- og vinnuverndarmál. 

Markmið öryggis- og vinnuverndarstarfs er að sérhverjum starfsmanni líði vel í vinnunni og að hver og einn fari ávallt heill heim frá vinnu. 

Hver er tilgangurinn með skipulögðu öryggis- og vinnuverndarstarfi?

• Góð stjórnun öryggismála felur í sér skipulagða nálgun í daglegri vinnu – framleiðni eykst í kjölfarið 
• Uppfylla lög, reglur og kröfur 
• Hættur við vinnuna og örugg vinnubrögð eru skilgreind 
• Úrbætur eru greindar og settar í ferli 
• Uppfylltar eru siðferðislegar og samfélagslegar skyldur sem snúa að því að hlúa að starfsmönnunum 
• Starfsmenn geta sjálfir haft áhrif á eigið öryggi og eignast hlut í skipulagningu 
• Ánægður og öruggur starfsmaður er góður starfsmaður 

Heilsuvernd og EFLA Verkfræðistofa eru í öflugu samstarfi hvað alla þætti heilsu- og vinnuverndar snertir og getum við tryggt heildarlausnir á þessu sviði fyrir þau fyrirtæki sem eftir því leita. 

Það sem skilgreinir fyrirtæki með öflugt innra starf: 

• Skrifleg áætlun um öryggi og heilbrigði/áhættumat er til staðar og unnið kerfisbundið samkvæmt henni 
• Öryggisnefnd, öryggisvörður og öryggistrúnaðarmaður eru til staðar 
• Vinnuslys, óhöpp og hættutilvik eru skráð, greind og nýtt í forvarnaskyni 
• Starfsmenn fá viðeigandi þjálfun og leiðbeiningar, skráning þjálfunar er til staðar 
• Fyrirliggjandi eru leiðbeiningar og verklagsreglur um notkun varasamra efna og tækja 
• Reglubundið eftirlit er með vélum og tækjum 
• Reglulegar skoðunarferðir um fyrirtækið og öryggisþættir rýndir 
• Tillit er tekið til vinnuumhverfissjónarmiða við hönnun og skipulagningu 
• Utanaðkomandi aðilar eru upplýstir um kröfur fyrirtækisins m.t.t. vinnuaðstæðna og heilsuverndar 
• Fulltrúi yfirstjórnenda er með í öryggisnefndinni 
• Fyrirtækið aflar utanaðkomandi aðstoðar í vinnuverndarstarfinu eftir þörfum 
• Fyrirtækið hefur skýra vinnuumhverfisstefnu