Stjórnandi
Helga Hrönn Óladóttir
Mannauðsfræðingur og streituráðgjafi
Við viljum koma á móts við þarfir okkar viðskiptavina og sérsníðum því fyrirlestra og tímasetningar í samræmi við þarfir hvers og eins.
Sigraðu streituna
Streita, kulnun eða sjúkleg streita. Námskeið fyrir vinnustaði þar sem starfsmenn fá verkfæri til að greina streitu og læra aðferðir henni til forvarnar og úrlausna.
Farið verður yfir muninn á streitu, kulnun og sjúklegri streitu. Þá verður þátttakendum gefin verkfæri til að greina streitu og þeim kenndar rannsakaðar aðferðir henni til forvarnar og úrlausna á streitu.
Greinarmunur verður gerður á því hvar ábyrgð starfsmanna liggur og hvernig starfsfólk getur aukið afköst sín án þess að auka við streituna.
Kynnt verða ný hugtök úr streitufræðunum eins og til að mynda daghvíld á vinnustað. Farið verður í viðurkenndar aðferðir sem stuðla að slökun á vinnutíma.
Dæmi um algengar spurningar sem svarað verður á námskeiðinu:
- Hvers vegna er streita og kulnun orðin svona algeng í dag?
- Hver er munurinn á streitu og kulnun?
- Hvort er um að ræða ástand eða sjúkdóm?
- Hvað býr að baki hugtaksins vinnusamband?
- Með hvaða hætti næ ég að blómstra í starfi?
- Hvað segja nýjustu rannsóknir um streitu og heilastarfsemina?
- Hverjir eru einna helst í áhættuhópi á að verða útsettir fyrir streitunni?
- Hvernig get ég haldið orkunni jafnri út daginn?
Tímalengd
30 mín. erindi (eingöngu sem fjarfræðsla)
60 mín erindi með einstaklingsvinnu (staðar- eða fjarfræðsla)