Stjórnandi
Steinunn Ragnarsdóttir
Við viljum koma á móts við þarfir okkar viðskiptavina og sérsníðum því fyrirlestra og tímasetningar í samræmi við þarfir hvers og eins.
Það fær engin hugmynd í vondu skapi
Hvenær fáum við bestu hugmyndirnar? Fyrirlesturinn hentar þeim sem hafa áhuga á ýmsum áhrifaþáttum á skapandi hugsun og hvernig við getum haft áhrif á líðan okkar með ýmsum gagnreyndum jákvæðum inngripum.
Á fyrirlestrinum er skoðað við hvaða aðstæður við erum mest skapandi og fáum bestu hugmyndirnar ásamt því hvaða tengsl eru á milli skapandi hugsunar og því hvernig okkur líður. Einnig skoðum við hvaða áhrif streita og vanlíðan hefur á sköpunarflæði og hvað er til ráða.
Á fyrirlestrinum er m.a. fjallað um:
- Hvernig við getum virkjað sköpunarkraftinn og gleðina.
- Hvaða þættir eru árangursríkastir þegar kemur að skapandi lausnum.
- Hvort jákvæðar tilfinningar gera okkur meira skapandi.
- Jafnvægi á milli áskorana og hæfni til þess að skapa flæði.
Fyrirlesturinn hentar þeim sem hafa áhuga á ýmsum áhrifaþáttum á skapandi hugsun og hvernig við getum haft áhrif á líðan okkar með ýmsum gagnreyndum jákvæðum inngripum t.d. úr smiðju jákvæðrar sálfræði sem rannsóknir sýna að hafa langvarandi áhrif til góðs.
Tímalengd
45-60 mín eða samkvæmt samkomulagi.