Kristján Helgi Hjartarson

Kristján sinnir greiningu og meðferð unglinga og fullorðinna. Hann sérhæfir sig í meðferð þunglyndis og kvíða. Kristján vinnur jafnframt með sálræn áföll og sorg, reiðistjórnun, streituvanda, lágt sjálfsmat og heilsukvíða svo dæmi séu nefnd.

Kristján beitir einkum hugrænni atferlismeðferð en beitir einnig núvitund ásamt öðrum sannprófuðum meðferðum – allt eftir þörfum hvers og eins.
Kristján vinnur að doktorsgráðu í klínískri sálfræði við Háskóla Íslands og kemur að kennslu við sálfræðideild háskólans. Í doktorsnámi sínu rannsakar hann áhættuþætti fyrir þróun og bakslag þunglyndis og hvernig sálræn meðferð dregur áhættu á þunglyndi.

Í meðferð leggur Kristján kapp á að koma til móts við þarfir skjólstæðinga og mæta þeim þar sem þeir eru staddir. Jafnframt að bera kennsl á og rækta styrkleika þeirra.

Menntun og störf
Kristján útskrifaðist með Cand.Psych. gráðu frá Háskóla Íslands þar sem hann hlaut starfsþjálfun á Laugarásnum – meðferðardeild fyrir ungt fólk með geðrofssjúkdóma. Þar sinnti hann greiningum, einstaklingsviðtölum og hópmeðferð. Kristján starfaði áður til margra ára sem ráðgjafi á réttar- og öryggisgeðdeild á Kleppi. Í dag starfar hann jafnframt við Sálfræðiráðgjöf Háskóla Íslands þar sem hann veitir meðferð við fjölþættum vanda

Sendu Kristjáni skilaboð

Nafn (nauðsynlegt)

Kennitala (nauðsynlegt)

Sími (nauðsynlegt)

Tölvupóstur (nauðsynlegt)

Skilaboð