Heilsuvernd, Heilsugæslan í Urðarhvarfi og Prescriby í formlegt samstarf Heilsuvernd hlýtur Jafnlaunavottun Heilsuvernd framúrskarandi fyrirtæki 2023 Jákvæðar fréttir af heilbrigðiskerfinu Heilsuvernd og Sjúkrahúsið á Akureyri í samstarfi Doktorsritgerð í næringarfræði Jón Pálmi ráðinn til Heilsuverndar heilsugæslu Guðrún Dóra Clarke ráðin til Heilsuverndar Heilsugæslu Valur Helgi Kristinsson ráðinn til Heilsuverndar Heilsugæslu Öskudeginum fagnað hjá Heilsuvernd samstæðu Einkareknar heilsugæslustöðvar koma betur út í þjónustukönnun Alþjóðlegur dagur hjúkrunarfræðinga Dagur lækna á Íslandi Streita og heilsa. Hvað er til ráða? Dr. Ólafur Þór Ævarsson Áhyggjur af þyngdarstjórnunarlyfjum Stormur í vatnsglasi Háþrýstingur mun algengari en við höldum Samanburður á ánægju skjólstæðinga heilsugæslustöðva í höfuðborginni og á norðurlandi Verkjamóttakan í Heilsugæslunni í Urðarhvarfi Óásættanleg staða - óskað eftir svari frá Sjúkratryggingum Vitjanabíll heilsugæslunnar í Urðarhvarfi Gulur dagur hjá Heilsuvernd Verðlaun Heilsuvernd Heilsugæsla í Urðarhvarfi og Betri Svefn Bleiki dagurinn Nýr vefur heilsugæslunnar Urðarhvarfi

Samanburður á ánægju skjólstæðinga heilsugæslustöðva í höfuðborginni og á norðurlandi

Heilsuvernd heilsugæslan Urðarhvarfi kemur vel útúr könnun Maskínu og mælist í efsta eða efstu sætum síðastliðinna ára. Hlutfall ánægðra eða fremur ánægðra er hátt eða langt yfir 85% árin 2019 og 2022. Skjólstæðingum heilsugæslunnar í Urðarhvarfi hefur fjölgað á Akureyri og telja nú um 4,5% bæjarbúa eða tæplega 1000.

Greining á ánægju skjólstæðinga heilsugæslustöðva í höfuðborginni borið saman við norðurland, sérstaklega Akureyri.

Það er áhugavert að rýna í tölur sem koma úr könnunum Maskínu. Sjúkratryggingar Íslands hafa kannað þjónustu stöðvanna og ánægju skjólstæðinga heilsugæslunnar á landsvísu núna undanfarin ár.

Könnunin er byggð upp með sama hætti og er sama fyrirkomulag, spurningar og tímarammi á síðustu könnun sem framkvæmd var 17.10.23 - 5.1.2024. Síðasta könnun var gerð árið 2022, en einnig árið 2019 í höfuðborginni og 2020 á landsbyggðinni. Niðurstöður úr þessum 3 könnunum bæði í höfuðborg sem og á landsbyggðinni gefa ágæta innsýn og er því möguleiki til samanburðar milli staða upp að vissu marki.

Þegar horft er á tölurnar liggur ljóst fyrir að ánægja skjólstæðinga er meiri hjá einkareknum heilsugæslustöðvum í höfuðborginni en hinum opinberu . Munar þar talsvert miklu í mörgum af þeim spurningum sem Maskína leggur fyrir notendur þjónustunnar, sjá meðfylgjandi myndir.

Hér er horft í spurninguna; "Almennt séð hversu ánægður eða óánægður ertu með þjónustu (nafn skráðrar heilsugæslu viðkomandi)". Heilsugæslan Urðarhvarfi kemur vel útúr þessari könnun og mælist í efsta eða efstu sætum síðastliðinna ára. Hlutfall ánægðra eða fremur ánægðra er hátt eða langt yfir 85% árin 2019 og 2022. Óánægðir eða fremur óánægðir eru rétt rúmlega 3% á sama tímabili. Bornar eru saman allar 19 stöðvarnar á höfuðborgarsvæðinu. Árið 2023 sem er sýnt hér lækka tölur nokkuð heilt yfir allar stöðvar í höfuðborginni, sem og á landsbyggðinni, þó er enn mikill munur og Urðarhvarfið með mjög góða niðurstöðu og raðar sér aftur í efstu sæti.

Sé horft á Heilsugæsluna á Akureyri eru einungis 49,3% fremur eða mjög ánægðir árið 2023, þeir voru 62,5% árið 2020. Þeim sem mælast fremur eða mjög óánægðir á sömu heilsugæslustöð fjölgar úr 14,2% árið 2020 í 18,1% að sama skapi 2023. Heilsugæslan raðar sér á tímabilinu 2020 í 27 sæti af 33 mögulegum á landsbyggðinni, 21. sæti árið 2022 og í 25. sæti árið 2023.

Skjólstæðingum heilsugæslunnar í Urðarhvarfi hefur fjölgað á Akureyri og telja nú um 4,5% bæjarbúa eða tæplega 1000. Við viljum þjónusta þá með sem bestum hætti, en við höfum mætt hindrunum í því efni sem við erum sannfærð um að okkur muni takast að finna lausn á, enda eiga skjólstæðingar rétt á góðri þjónustu sem við teljum sannarlega að við veitum og tölurnar sýna.

Höf: Teitur Guðmundsson, læknir og forstjóri Heilsuverndar samstæðu