Jón Pálmi ráðinn til Heilsuverndar heilsugæslu
Það er ánægjulegt að segja frá ráðningu Jóns Pálma Óskarssonar til okkar hjá Heilsuvernd Heilsugæslu í Urðarhvarfi.
10. janúar 2024
Það er ánægjulegt að segja frá ráðningu Jóns Pálma Óskarssonar til okkar hjá Heilsuvernd Heilsugæslu í Urðarhvarfi.
Pálmi útskrifaðist úr læknisfræði frá Christian-Albrechts-Universität zu Kiel árið 2003. Hann er sérfræðingur í heimilislækningum frá árinu 2009 og varð sérfræðingur í bráðalækningum árið 2020
Hann starfaði sem heimilislæknir á Hvammstanga árin 2009-2010 og svo á heilsugæslunni á Akureyri frá 2010-2012. Þá hefur hann starfað á bráðamóttöku Sjúkrahússins á Akureyri síðan 2012 og var forstöðulæknir bráðalækninga árin 2013-2014 og 2017-2023. Hann gegnir nú stöðu yfirlæknis á bráðamóttöku sjúkrahússins.
Pálmi hefur þegar hafið störf og bætist þannig í hóp öflugra lækna hjá okkur á Akureyri. Hann mun halda áfram störfum við Sjúkrahúsið á Akureyri, en við stefnum að áframhaldandi uppbyggingu heilbrigðisþjónustu í höfuðstað norðurlands.
Við bjóðum hann velkominn til starfa !